人哋成日話人生最幸福嘅事就係「有人信你有人愛你，有人幫你，有人懂你」我一直唔信會有呢啲人出現，直到我遇到佢更加唔信，因為佢俾我嘅感覺係一個鍾意玩嘅小朋友🤨試過失咗蹤半日搵唔到人；試過我病咗只係問半句；試過唔記得約咗我，自己走咗去.....當然我都係個難頂嘅人🤪
不過時間耐咗，呢個人開始痴線😰我咳兩聲就帶我去睇醫生；我話唔開心，就會喺粉嶺出港島同我食餐飯聽我呻；我有嘢諗唔明，佢會幫我度，幫我分析；我有啲工作計劃，佢唔會當我鳩噏，會認真聽；我冇帶遮，佢即刻除件衫俾我包住個頭，自己淋雨；我想打吓卡，佢會上網睇片學影相；我隨口話想食日本老母整嗰啲便當，佢就買晒食材工具逐樣煮，甚至細緻用較剪剪啲眼耳口鼻出嚟。
呢啲嘢，佢初初識我係根本唔會做，因為佢份人最最最最怕麻煩，但依家竟然因為氹我開心，咩都會願意付出😍謝謝你
#By懶醒女朋友
Search